كامت تموج الطفوف طشرو ذيج الصفوف ..الشاعر عبدالستار الحجامي

امك وانخاك زينب بحماك
يالكافل داريها بروحك حطها بعيناك؛
يوليدي من يوم الصرت. سميتك انت السگاي
ومن تعطش اختك يالوفي بيدك تجيب انت الماي
من اول اصيارك وفي وتلقبت بالوفاي
عمرك ولامره گلت ياخويه اتگله مولاي
جدام حسين. . لاترفع عين
وياه يبني من تسولف مولاي ارجاك

عباس تنطيني عهد. بينك ييمه وبيني
يوليدي ياريع الگلب يابعد روحي وعيني
ربيتك انه وساهرت منك اريد اسنيني
لختك تصير انت السمه حتى تردلي ديني
ديني الموجود. منك مريود
بالطف يوليدي لزينب تنطيها اهناك



گدامه لاتوگف أبد واتبع أثر درب حسين
ولاتعتذر لو صاحتك زينب يانسل الطيبين
وي النفس ردتك هوه وأتمر نسيم بكل حين
خادم يعباس الوفي وكل كلمه يختي اتأمرين
يوليدي اتكون. خادم لأُم عون
تفديها بروحك وابدمك. واتضل بحماك


عباس يارمز الوفه. اختك تحطها ابعينك
لوعطشت ومرها الضمه. ارويهامن چفينك
ضحي ابيسرتك يالولد. ولورادت انطي ايمينك
ربيتك انه على الوفه تنذر لجلهااسنينك
ابعمرك ياريت. تحمي اهل البيت
ربيتك واني ادري بتعبي. ماضاع وياك

ظل الها تمشي على الأثر ومن الشمس ظللها رايتك خل تخفگ فخر. وبيدك تكض محملها
يابعد روحي ومهجتي. يا بعد امك كلها
لو قصرت شنهو العذر. ولفاطمه شنگلها ٠
باجر شنگول. انت المسؤل
لو فاطم عتبت يوليدي وقصرت اهناك


الشاعر عبد الستار العقابي