السلام على السيده الزهراء عليها السلام

من طرف **Admin** السبت سبتمبر 24, 2016 7:46 pm

من نوحي اليالي كامت تنوح
طه وهذا حالي وهاي الجروح
بوي بدفعت الباب كسرو ضلعي الاصحاب
-----------------------------------------------
يطه بحال بتك تعرف اشصار من هجمو عليه
على باب الزجيه شعلو النار ماتلحك عليه
عليه تحشمو يابو الاشــــــرار ولارحمو بجيه
واذا بالدار فاطم احرك الدار خل نسمع حجيه
واذا بالدار فاطم واحد يصيح
احرك دار فاطم عندي تصريح
ولاجن دار الاطياب كسرو ضلعي الاصحاب
---------------------------------------------
يبو الصار بعدك ماحسبناه الكوم ستوحدونه
ولابالبال مرولاقرينــــــاه عكبك اعذبونه
يبو الجسد تدري من دفناه بسقيفتهم ولونه
ولاخالفنه دينك لانكرنــــاه ولاهم رعونه
يبوي الصار بعدك بالكلب نار
مارحمو جنيني وصابه بسمار
بوي والكلب ذاب كسرو ضلعي الاصحاب

بيت الدين بيتي وبيت الايات منبع للعداله
طه جان ياخذ اذني لوفات يهل بيت الرساله
الوحي يوكف ابابي يتاني ساعات الانرد سؤأله
ليدك بابي يدك باب السموات باب الله وجماله
لان بابي على باب الله مفتوح
مو كل اليجيني يطرقه ويروح
بيه ريحه من الاحباب كسرو ضلعي الاصحاب
--------------------------------------------
من هجمو علــيه وانه بالـــــــدار وبنوحي ونيني
حرت مدري استر روحي بخمار لو احمي بنيني
كسرو باب فاطم ذوله الاشرار من سمعو حنيني
نبتو بالضلع يابوي بسمـــــــار بيه طيحو جنيني
من حسو بتك لاذت هناك
كسرو ضلعي بويه والله بجفاك
محسن فوك التراب كسرو ضلعي الاصحاب
------------------------------------------

صحت من طاح محسن والدمع هال يافضه الحكيني
بعد مااظل صبر ماظلـــــــت امال يفضه ساعديني
حيدر جتفو يابــــــوي بحبــــــــال بعد منهو اليجيني
صيح بصوت محد يرحم الحال يبوي من وينيني
من صحتك يبوي رتك تعود
من سطرت القنفذ حمره الخدود
ماهز كبرك عتاب كسرو ضلعي الاصحاب
--------------------------------------------
عليه بسوطه قنفذ طك المتـــــون يبوي ولارحمني
تعال وشوف خدي وشوف العيون يبوي وشوف متني
انه صبري نفذ وكليبي محزون يبوي ماشفتني
يبوي لحالتي ظل مغبر الكون من شاهد محنتي
محد من صحبتك راع الاحوال
ولا كالو يتيمه ورحمو الحال
شتكلهم بالحساب كسرو ضلعي الاصحاب

خادم الزهراء الشاعر عبدالستار العقابي